Industria e modeligut ka ecur shumë përpara kur flitet për diversitet, por kur një modele afrikane vjen me një seri fotosh, mendojmë se kemi ende shumë për të bërë.
Deddeh Howard, e cila u rrit në Liberi dhe jeton tani në Los Angeles, nuk pati një nisje të lehtë kur u përpoq të hynte në biznesin e modelingut. Disa agjenci i thanë asaj, “faleminderit, por jo”, duke shpjeguar se kishin tashmë mjaftueshëm modele me ngjyrë.
Për të tërhequr me shumë vëmendje në nevojë të diversitetit në industritë e modelingut dhe modës, si dhe duke kërkuar vëmendje për modelet me ngjyrë, Deddeh rikrijoi disa nga fushatat e dizajnuesve më të njohur, duke zëvendësuar yje si Gisele Bundchen, Kendall Jenner, Gigi Hadid dhe Kate Moss.
“Jo shumë kohë më parë…, unë do të shkoja në disa agjenci modelesh he menjëherë do të krahasohesha me një ose dy modele me ngjyrë që kishin në regjistër. edhe pse më thonin se kisha një paraqitje të mrekullueshme ata sërish thonin se kishin tashmë modele me ngjyrë. Duket se një ose dy modele në regjistër janë mjaftueshëm për të na prezantuar. Kur ma thanë u ndjeva e habitur”, tha për uebsajtin Deddeh.
Për të demonstruar bukurinë dhe talentin e saj, ajo bashkëpunoi me fotografin Raffael Dickreuter për të rikrijuar disa nga fushatat e mëdha, nga Gucci, Guess, Louis Vuitton dhe Victoria’s Secret. Dhe mund të themi se ia doli me sukses!
*Shfleto galerinë
Burimi: Daily Mail
