Ka pasur një kthesë të madhe në botën e meshkujve të modelingut këto ditë. Agjencia më e madhe e modelëve “IMG Models” prezantoi “Brawn”, emrin për divizionin e meshkujve të përmasave më mëdha.
Modeli i parë është Zach Miko, ndërsa sipas profilit të tij në “Instagram” ai është një aktor dhe një komedian, që mendon se jeta është “çmendurisht e tmerrshme”.
Zach Miko është modeli i parë që nuk ka muskuj apo format tipike trupore, që jemi mësuar të shikojmë te çdo model deri tani.
Për ato që duan të dinë përmasat e tij, Zach është 1 m e 98 cm i gjatë dhe ka një bel rreth 101 cm.
Ivan Bart, presidenti i “IMG Models” tha: “Brawn” ka një mesazh pozitiv për trupin. Është fuqia fizike. Mesazhi pozitiv për trupin dhe diversiteti i përmasave është diçka e rëndësishme dhe diçka që vazhdon të jetë në mendjen e gjithsecilit. Ne e zgjatëm bisedën për meshkujt tani”.
Ai shtoi se, “unë dua që çdo mashkull në Amerikë të thotë “Unë mund ta bëj atë”, kur ta shohin Zach”.
Burimi: Glamour Magazine
