Mbrëmja e maturës, është më pranë sesa e mendoni! Ndaj kjo nënkupton se është koha të gjeni fustanin perfekt dhe modelin e përshtatshëm për flokët. Mbani mend se është nata juaj dhe duhet të shkëlqeni! Më poshtë ju rendisim disa modele, të cilat mund t’i realizoni edhe nga shtëpia.
Flokët me onde dhe të kapura gjysmë
Është ndër modelet më të preferuara, pasi është i thjeshtë dhe nuk duhet ndihma profesionale. Me një mashë në shtëpi, mund t’i bëni flokët me onde për disa minuta.
Princesha e luledeleve
Nëse kërkoni të jeni e vogla e mbrëmjes, ky model është perfekt. Drejtoni flokët dhe në një anë, nisni një gërshet. Qershia mbi tortë janë lulet e vendosura në kokë.
Princesha Gatsby
Nëse jeni fanse e filmit “The Great Gatsby”, mos nguroni të jeni mbretëresha e mbrëmjes me flokët me onde dhe një kurorë e vockël.
Flokët pas koke
Nëse jeni nga ato vajzat, që nuk i bindeni kurrë rregullave atëhere mos nguroni të guxoni me flokët e lagura pas koke.
Xixa Xixa
Kush tha se xixat nuk shkojnë tek flokët? Kapini flokët në dy anë dhe hidhe të gjithë kutinë e xixave në kokë! Shijo natën tani.
Gërsheti i gjërë
Vetëm një gërshet mbi kokë, mund t’iu bëjë rrëzëllitëse. Krijoni dy modele të ndryshme. Nise nga ana e veshit gërshetin normal e të gjërë, e më pas vijoje me fishtail.
Kurora e luleve
Guxoni me lule natyrale mbi flokë! Do jeni e veçantë dhe aroma do të jetë e kënaqshme gjithashtu.
Floket bishtkali
Nuk keni dëshira të dilni nga vetja? Atëherë një bisht i rregullt është i duhuri.
