“Fotografi e edituar”! Nga 1 tetori këto dy fjalë duhet t’i bashkëngjiten çdo “fotografie të edituar”, në të cilën shfaqet ndonjë modele.
Ligji, i cili për momentin, hyri në fuqi vetëm në Francë është një nga përpjekjet e bëra nga qeveria për të frenuar promovimin, edhe padashje, të standardeve fizike përtej peshës normale, që përcillen shpesh nga moda. Thyerja e standardit mund të kushtojë deri në 44,000 dollarë ose 30% të kostos së “photoshooting”.
“Është e nevojshme të reagohet për imazhin e fizikut në shoqëri, për të parandaluar promovimin e idealeve të bukurisë së paarritshme dhe për të parandaluar anoreksinë midis të rinjve”, tha ish-ministri francez i Shëndetësisë, Marisol Touraine, promotor i ligjit.
Ministria kishte raportuar se mbi 600 persona ishin prekur nga çrregullimi i ushqimit. Në të njëjtën kohë sot, modelet që punojnë në Francë duhet të kenë arritur moshën 16 vjeçe dhe të paraqesin një dokument mjekësor që vërteton indeksin e duhur të masës trupore.
Masat e ndërmarra tashmë kanë ndikim edhe përtej kufijve. Agjencia “Getty Images”, për shembull, nuk pranon më foto të modeleve “të edituara me photoshop”.
Burimi: PambiancoNews
