Virusi vdekjeprurës i cili ka përhapur panik në botë, e ka çuar në 38 numrin e të prekurve në Shqipëri dhe viktima e parë është regjistruar në qytetin e Durrës.
Qeveria ka marrë masat e nevojshme për parandalimin e kësaj epidemie dhe sot vendi është në shtetrrethim, ndërkohë që gjithkujt i është kërkuar të qëndrojë në shtëpi.
Mjeku Tritan Kalo i ka ardhur në ndihmë qytetarëve shqiptarë që po përballen me këtë situatë, duke dhënë 10 këshilla për ta mundur “kuçedrën” Covid-19.
1- TREGOHUNI të sinqertë në komunikimin me Autoritet Shëndetësore dhe ato Ligjzbatuese, në rast se vini nga zona tashmë mjaft të prekura nga Covid-19, sikundër janë Italia, Kina, Anglia, Gjermanija, Franca, etj.,
2- KUJDESUNI ndaj vetes dhe të afërmve tuaj sidomos atyre të moshuar,
3- KUJDESUNI ndaj higjienës suaj dhe asaj të mjedisit ku jetoni
4- QËNDRONI për disa kohë vetëm në mjediset tuaja shtëpiake,
5- USHQEHUNI shëndetshëm dhe me ato mundësi që keni, 6- REHIDROHUNI herë pas here me çajra e lëngje nga më të ndryshmet,
7- VETËIZOLOHUNI kur keni edhe dyshimin më të vogël të kontaktit me persona të sëmurë nga Covid-19, sepse ndihmoni në mos përhapjen e tij, por edhe në mos sëmurjen tuaj,
8- INFORMOHUNI me kujdes kur keni paqartësia, DHE mos bini pre e sharlatanizmave dhe e protagonizmave te rrejshme, që jo pak ngrenë krye në rrethana të tilla epidemike,
9- VETËMJEKIMI me Antibakterialë/Antibiotikë është i pakëshillueshëm,
10- QËNDRONI në kontakt me mjekët e familjes, të cilët ju njohin mjaft mirë, dhe merrni këshillat e tyre shumë të dobishme në raste të tilla…..Mos përdorni vend e pa vend nr. 127, duke ju krijuar mundësinë atyre që vërtet kanë nevojë, të marrin këshillat e duhura dhe ndihmën mjekësore në kohën e duhur.
