Makthi i të gjithëve në këto momente është koronavirusi.
Virusi vdekjeprurës u përhap shumë shpejt në të gjithë botën dhe u ka marrë jetën 30 325 personave, ndërkohë me mijëra të tjerë janë në gjendje kritike për jetë.
Por, përveç kësaj virusi është duke shkaktuar edhe një krizë ekonomike dhe më në vështirësi janë njerëzit që nuk kanë mundësi për të blerë as ushqime.
Megjithatë, infeksionist Tritan Kalo nëpërmjet një postimi në Facebook ka dhënë një mesazh të fortë, ku thotë se jeta është më e rëndësishme.
Ai thotë se kjo ëndërr e keqe do të marrë fund, prandaj duhet të përpiqemi që pavarësisht vështirësive ekonomike të përballoj situatën me aq sa mundemi.
Postimi i plotë:
Kurdoherë me ju dhe për ju….Shërbimi i Sëmundjeve Infektive, QSUT, 28.03.2020….Bashkëqytetarë, ju lutem, ju lutem vejani veshin këshillave tona….mos dilni në asnjë mënyrë nga shtëpitë tuaja pa ndonjë arsye madhore për shëndetin….E dimë që shumë prej jush janë në vështirësi ekonomike, por jeta e juaj është më e vlefshme se gjithçka….kjo ëndërr e keqe me emrin COVID-19 një ditë do të kalojë, por jetët tuaja të paçmimta askush nuk mundet tua rikthej….Dita nis për së mbari me dy infermierët e turnit në Pavjonin e parë, Anxhela dhe Mandi, të dy plot dëshirë dhe vullnet për t’ju shërbyer të sëmurëve tanë….kurrë nuk mundet të harrohet në këto ditë edhe kontributi i Policisë së Shtetit, të cilët po sakrifikojnë jo pak për të ruajtur rendin rreth ngrehinës së Covid-19, sikundër konvencionalisht njihet tashmë, Shërbimi i Sëmundjeve Infektive….Së bashku ne do t’ia dalim mbanë me siguro, ndaj ju lutem, na dëgjoni dhe mbi të gjitha mos nguroni të dëgjoni zërin e Ndërgjegjes suaj…. Vetndërgjegjësohuni.
