Mjeku Infeksionist Pëllumb Pipero, i cili është kthyer në një personazh të njohur televiziv tashmë në vendin tonë, ka theksuar se rastet me Koronavirus do të vijojnë të shtohen.
Në një postim në “Facebook”, Pipero shkruan se paniku është aleati më i mirë i këtij virusi.
Sipas tij, ky virus ka frikë vetëm kujdesin, vëmendjen, maksimalizimin e kapaciteteve, mbështetjen e bluzave të bardha e sidomos disiplinën.
Pipero ka treguar 3 fjalët magjike kundër Koronavirusit: “Lani Duart Tuaja”!
Ai thotë se nuk kemi fshehur asgjë por se së bashku do ia dalim, ndaj këshillon kufizimin e lëvizjeve, takimeve, dhe vizitave.
Mjeku theksoi dje se në rastin më të mirë, Koronavirusi në Shqipëri do të zgjasë 4 muaj.
