I gjthë stafi mjekësor që u kujdes për të moshuarën 73-vjeçare që u nda nga jeta si pasojë e Koronavirusit në spitalin e Durrësit, rezultoi negativ nga virusi.
Ministria e Shëndetësisë bëri me dije se nuk ishte prekur asnjë person nga stafi mjekësor, që i ka shërbyer të moshuarës, por pavarësisht kësaj, ata ende nuk janë rikthyer në punë.
“Dosja.al” mëson se të ekspozuar kanë qenë edhe personeli që shërbente ushqimin dhe sanitarët. Ata janë deklaruar negativë, por u është thënë të mos paraqiten në punë.
Në mesin e të karantinuarve, është edhe bashkëshorti i një deputeteje socialiste, që ka qenë në kontakt me të moshuar, në kohën kur diagnoza nuk ishte ende e përcaktuar.
Në pritje të një përgjigjeje ng ISHP, stafi është karantinuar plotësisht, ndërsa sot do të bëjnë edhe një analizë të dytë.
Ka dyshime se në kontakt me stafin e spitalit ka rënë edhe deputetja socialiste, e cila është takuar me kolegë nëpër komisione.
/Gazeta Reforma
