Historia e pabesueshme e burrit nga Elbasani ka habitur jo vetëm qytetin, por edhe mjekësinë në tërësi.
“Infoelbasani” bën me dije se vajza e Veli Dikës u diagnostikua me leucemi dhe mjekët nga dy shtete të ndryshme thanë se nuk kishte shpëtim, duke i kthyer të dëshpëruar në shtëpi. Megjithatë ai tregon se pavarësisht goditjes së rëndë nuk u dorëzua. Veli Dika rrëfen se kur mjekët i hoqën shpresat ai filloi “betejën sipas mënyrës së tij”.
Dika tregon se kombinoi ilaçet që i dhanë mjekët me kurën popullore të produkteve të bletës dhe me besimin në zot. Duket e pabesueshme por bëhet me dije se vajza u përmirësua dhe brenda disa muajve sëmundja u largua nga ajo.
Që nga ajo ditë vajza nuk është dërguar tek asnjë mjek, madje as për analiza pasi ajo u bë shumë mirë. Sot është e martuar me fëmijë dhe vazhdon jetën me bashkëshortin e saj në Itali. Dika vazhdon të kujdeset për kosheret e mbetura, ndoshta në shenjë mirënjohjeje ndaj “bletës së bekuar” për të cilën thotë se “është fiksimi i jetës së tij”.
