Së shpejti mund të kemi hitin “Mister Yesterday 2”. Kjo u konfirmua nga Rozana Radi e cila bëri të ditur se së shpejti do ketë një bashkëpunim me Noizy-n.
Ajo u pyet nga ndjekësit se kur do bashkëpunojë me reperin dhe përgjigjia e saj ishte:
“E di qe e doni shume Noizy sapo perfundoi suksesin e rradhes por ne e kemi menduar dicka. Nuk e di kur do e gjejme kohen por nje rikthim do ta kemi patjeter”
Rozana Radi dhe Noizy janë një ndër dyshet më të diskutuara në mediat rozë. Ata prej vitesh janë përfolur se kanë pasur kontradita. Gjithçka lindi pas dy dueteve që publikuan “Fly” apo “Mister Yesterday”.
Mirëpo, duket se ata kanë vendosur të lënë pas inatet e vjetra dhe janë sërish miq. Ishte Rozana që ka ndarë në Instagram disa foto, në të cilat shfaqen në një tavolinë duke qeshur së bashku.
Kujtojmë që disa muaj më parë, Noizy organizoi një festë për koncertin e tij “Alpha Show” dhe në fillim bëri një deklaratë për këngëtaren duke u shprehur: “Rozi të dua shumë. Unë jam personi i fundit që mbaj këto lloj fjalimesh, por po vazhdoj pak ashtu siç di unë të flas”.
