Edicioni i 65-të i Miss Universe, i cili u mbajt në Filipine, ishte zhgënjyes për shqiptarët, pasi vajza nga Shqipëria që konkurroi nuk u rendit në vendet e para.
Por një ditë pas spektaklit, organizatorët njoftuan se kishin lënë pezull edhe dy çmime të tjera, Miss Fotozhenia dhe Miss Miqësia, të cilat nuk u dhanë gjatë mbrëmjes së djeshme.
Sipas një deklarate për mediat një ditë më vonë, presidentja e organizimit të Miss Universe, Paula Shugart, e ka justifikuar me mungesën e kohës shpalljen e këtyre dy çmimeve: “Sinqerisht, nuk kishim kohë … Kishte shumë gjëra që do të donim të bënim gjatë shfaqjes, por nuk kishim kohë”, tha Paula Shugart.
Miss Albania, 20-vjeçarja nga Elbasani, Lindita Idrizi, është kurorëzuar Miss Fotozhenia në ceremoninë e 65-të të çmimeve Miss Universe, ndërsa Miss Korea, Jenny Kim, ka fituar çmimin e Miqësisë.
