Miriam Cani është një ndër këngëtaret shqiptare që me ëmbëlsinë e saj, por edhe me zërin karakteristik e ka bërë për vete publikun shqiptar. Së fundmi këngëtaren simpatike, prej disa javësh, jemi duke e parë në jurinë e “The Voice Kids”.
Sikurse është bërë traditë, Miriami çdo të premte para fillimit të spektaklit poston në Instagram foto nëpërmjet të cilave fton fansat që ta ndjekin. Të njëjtën gjë ka bërë edhe mbrëmjen e djeshme.
Miriami postoi në Instagram një foto ku shfaqet e veshur me të bardha dhe si gjithmonë në fytyrë e shoqëron një buzëqeshje vezulluese . Fansat e kanë komplimentuar për pamjen e saj, por kësaj radhe kanë vënë re edhe një detaj.
Në këtë foto barku i Miriamit duket i fryrë dhe fansat kanë hedhur dyshimet se këngëtarja është shtatzënë.
Si për çudinë e të gjithëve, pas komenteve ku fansat e pyesnin nëse është shtatzënë, Miriami bëri veprimin që nuk pritej. Ajo e fshiu foton duke i shtuar më shumë dyshimet për një shtatzëni të mundshme.
Gjithsesi nuk dihet ende nëse barku i fryrë ishte si efekt i veshjes, apo Ameli do të bëhet së shpejti më një motër apo vëlla.
