Prej muajsh lëvizja me makinë në Tiranë është kthyer në mallkim. Stres, vonesa, kosto, dhe ajër i ndotur. Erion Veliaj ka krijuar një ferr të përditshëm. Kryeqyteti është kthyer në vendin më armiqësor për banorët dhe ata që shkojnë e vijnë çdo ditë. Mungesë rrugësh, dhe gjoba pa fund. Nuk është hasur më parë një kaos i tillë.
Një rol të rëndësishëm në krijimin e trafikut janë edhe korsitë e biçikletave diçka që normalisht duhet të përshëndetet, por edhe ajo e ka një kleçkë mbrapa si gjithmonë.
Janë vendosur korsi biçikletash për të bllokuar dyqanet e vogla dhe konsumatori mos të ketë mundësi të parkojë dhe të shkojë tek qendrat tregtare, në hyrje të këtyre qendrave tregtare apo dyqaneve të miqve të tyre nuk ka korsi biçikletash.
Gjithashtu Erion Veliaj, kryetar i Bashkisë, pa bërë asnjë paralajmërim vendosi bllokimin e nyjës kryesore, rrethrrotullimi te “Shqiponja”, pavarësisht se në atë vend në ditë normale lëvizin 50 mijë mjete vetëm në aksin Durrës-Tiranë, pa llogaritur ata që vijnë nga Shkodra dhe të gjitha qytetet e tjera nga Veriu.
Ndërkohë që në mediat që financohen nga qeveria publikojë artikuj që shkak për trafikun është që shqiptarët nuk ndërrojnë fshirëset e xhamave.
Erion Veliaj, me ardhjen në krye të Bashkisë Tiranë riktheu metodat arrogante të shefit të tij, i cili drejtoi Bashkinë në vitet 2000-2011. Shumëkush e mban mend mirë bllokimin që Rama i bëri Tiranës për të paktën tre vjet me sheshin e Tiranës. Vetëm se Erion Veliaj e ka avancuar dhe më tej. Në pesë vite të qëndrimit në krye të bashkisë, ai vetëm ka ngritur taksat, pa i shndërruar ato në shërbime për qytetarët.
Dy javë më parë Autoriteti Rrugor Shqiptar dhe Policia kërkuan nga qytetarët që të pranojnë një sakrificë 4-mujore duke prezantuar planin e menaxhimit të trafikut, për shkak të punimeve që po kryhen tek Unaza e Madhe në kryeqytet.
Sipas tyre, përmbyllja e kësaj faze do të zgjasë 4 muaj, dhe kërkon sakrificë e mirëkuptimin e drejtuesve të mjeteve për të arritur, që kjo nyje të përballojë mbi 45 mijë mjete në ditë dhe të mos ketë më bllokim. “Është faza 3, më e rëndësishme e këtij projekti që na duhen 4 muaj sfidë, sakrificë për të arritur që kjo nyje të përballojë mbi 45 mijë mjete në ditë, që të mos kemi më bllokim në këtë nyje. Drejtuesit e mjeteve të na mirëkuptojnë. Koha fizike e kontratës është 25%, dinamika e ecurisë së projektit do të na japë rezultate të mira që për 3-4 muaj ta përfundojmë këtë fazë”.
Por këto ndërhyrje zoti Veliaj pse nuk i bëri kur i gjithë vendi ishte në karantinë dhe mund të kishte kursyes shumë kohë dhe mund për qytetarët e tij.
Përgjigja është shumë e thjeshtë, duhet të inaugurohet sa më pranë datës së zgjedhje që të bëjnë fushatë me të dhe të mund të marrin sa më shumë vota.
Por, nuk i kanë bërë llogaritë mira, pasi njerëzit do të jenë shumë të lodhur nga gjithë as stres që kanë kaluar në trafikun e Tiranës që duket se nuk do të gjejë asnjë herë zgjidhje.
Tashmë që po afrohemi drejt dimrit ka edhe një problem tjetër, shirat. Të gjithë e kemi pare se mjaftojnë vetëm 30 minuta shi dhe e gjithë Tirana përmbytet a thua se u përmbys bota.
