Një nga diskutimet më të rëndësishme politike të diskutuara gjatë javëvë të fundit në vendin tonë ka qënë ndalimi i bixhozit.
Propozimi i ligjit për mbylljen e kazinove dhe pikave të basteve hasi në shumë kundërshtime nga pala tjetër e politikës, megjithatë duket se në seancën e sotme parlmentare është marrë vendimi përfundimtar për mbylljen e tyre.
Kryeministri Edi Rama sapo ka njoftuar në profilin e tij zyrtar në Instagram vendimin duke shkruar: “Kuvendi sapo miratoi me 100% të deputetëve të pranishëm “Ndalimin e bixhozit” (kazino elektronike dhe baste të çdo lloji off apo online) në 31 dhjetor. Fjalët mbrapsht shpifësve të çdo kanali e portali, ndërsa me aktorët e Kinoshqupit kemi edhe gjyqet se do paguajnë një më një ata”.
Ligji në fjalë u votua me 75 vota pro, por pa votat e opozitës që kishte paralajmëruar se nuk do të merrte pjesë në Parlament, duke bojkotuar për të disatën herë seancat plenare.
