Dasma e Miranda Kerr në oborrin e themeluesit të “Snapchat”, Evan Spiegel, ishte e hijshme dhe intime me vetëm 45 të ftuar, miq dhe familjar, të cilët ishin dëshmitarë të çifti kur bën zotimet.
Por numri i vogël i të ftuarve nuk e ndaloi Miranda Kerr-in që të krijonte ditën e ëndrrave të saj.
Duke folur për dasmën e saj për revistën “Vogue”, në ditën e saj më të rëndësishme nusja veshi fustanin “couture” nga “Dior”, të krijuar me kujdes nga drejtoresha artistike e markës, Maria Grazia Chiuri.
“Sinqerisht, nuk mund të kisha imagjinuar një fustan më të bukur nuseje”, shpjegoi thjesht zonja Spiegel.
Fustan ishte frymëzuar nga ikona Grace Kelly dhe fustani që veshi në vitin 1956 për martesën e saj me Princin Rainier të Monakos.
“Jam argëtuar shumë me modën dhe kam qenë më e egër, e lirë, bohemiane. Por në këtë periudhë të jetës sime, stili im është më i tërhequr. Burimet e mia më të mëdha të frymëzimit kanë qenë gjithmonë Grace, Audrey Hepburn dhe gjyshja ime, e cila edhe 80 vjeçe ka një elegancë pa mundime: pantallona të lezetshme, një bluzë e bardhë, një shall, pak takë”, u shpreh supermodelja.
Ky frymëzim ishte i qartë në fotografitë e Miranda-s të publikuara nga “Vogue”, të cilat tregojnë 34-vjeçaren e veshur me fustanin e satenit me mëngë të gjata, ndërsa puth bashkëshortin e saj nën një altar me lule.
Fustani delikat u zbukurua me zambakë të luginës dhe një vello të gjatë, të mbuluar me perla.
Burimi: Daily Mail
