Landi Hysi, këngëtari i njohur i grupit “West Side Family”, na ka prezantuar me mikeshën e tij të ngushtë, e cila është një personazh shumë i dashur për të gjithë ne. Bëhet fjalë për ish-miss Shqipërinë, Valbona Selimllari e cila ndan një miqësi të hershme me këngëtarin e njohur.
Ata të dy janë njohur që në bankat e shkollës dhe Landi ka një vlerësim shumë të lartë për Valbonën, që sipas tij është e bukur si me “make up”, si pa “make up”.
“Këtë gocën e kam taku për herë të parë kur kam qenë në vit të dytë a të tretë gjimnaz ke shkolla #PetroNiniLuarasi, aty ku njerëzit kanë zemër të madhe dhe talentet e dala nga ajo shkollë në çdo fushë të jetës i kanë bërë dhe i bëjnë gjërat me shumë dashuri e pasion. Pra, po thoja, kjo goca e cila si me make up, si pa make up, si e qeshur, si serioze, si me fustan, si me xhins, si me diell, si me shi, si në Veri, si në Jug, si mes burrash, si mes grash, si në TV, si në jetën e përditshme, mbetet thjesht #EBukur sepse në shpirt është e tillë. E njëjtë. E pandryshuar. Zonja e Zotërinj Valbona Selimllari!”, shkruan Landi në përshkrimin e postimit të tij ku shfaqet së bashku me Valbona Selimllarin.
Kujtojmë që Landi dhe Valbona, së bashku me disa personazhe të tjera të njohura, vetëm pak ditë më parë ishin pjesë e festivalit për promovimin e turizmit “South Outdoor Festival”, i cili këtë vit u organizua në Vuno.
