Të gjithë ata që njohin fotografin Sonny K. Elson do ta përshkruanin si karizmatik dhe të drejtpërdrejtë. Por si e përshkruan ai me një fjalë konkurrentin e tij? I ftuar në një emision të “INTV”, Sonny e cilëson kolegun e tij Endrit Mërtiti me epitetin “Talent”!
Por cila është marrëdhënia profesionale dhe shoqërore mes dy fotografëve? I kontaktuar nga “Iconstyle.al”, Sonny K. Elson pranoi se konkurrenca mes tyre ekziston, por për të arritur më të mirën.
“Po kemi konkurrencë dhe është për cilësinë. Secili përpiqet që të bëjë sa më mirë punën e tij, jo t’i marrë konkurrentët njëri-tjetrit. Jemi miq me Endritin, që kur erdha nga Italia dhe pavarësisht se nuk ndajmë të njëjtat ide mbi teknikat që punojmë nuk do të thotë, që nuk e vlerësojmë punën e njëri-tjetrit. Për shembull, më pëlqyen shumë foto e fundit që ka bërë në Paris. Kur dikush bën punë të bukura pse mos komplimentojmë”, shprehet Sonny për “Iconstyle.al”.
Fotografi Sonny K. Elson duket se është shumë optimist për arritjet e kësaj fushe në Shqipëri: “Mendoj se me kaq pak që ofron Shqipëria, punët e fotografëve shqiptarë janë për t’u respektuan. Duke patur parasysh kushtet dhe atë që na ofrohet”.
Burimi: Iconstyle.al
