Dashuria ndonjëherë nuk zgjat përgjithmonë, por a duhet që të vazhdoni miqësinë me ish-in tuaj?
Sipas shumë ekspertësh do të ishte shumë më mirë për të mos qëndruar kurrë miq me ish-in për disa motive të thjeshta, por konkrete.
Lidhja që kishit dhe ndarja janë faktorët kryesorë që merren në konsideratë në miqësi, pas ndarjes së dy personave. Nëse ndarja është bërë miqësisht sepse sapo jeni larguar, është më e lehtë të krijosh miqësi, por kjo mund t’i shkaktojë dëm njërit prej të dyve, sipas psikologëve.
Ama nëse ndarja për njërin prej partnerëve akoma nuk është pranuar, atëherë situata është më e rëndë. Pasi njëri prej të dyve vijon të vuajë, duke mos arritur të shërohet në mënyrë që t’i japë vetes mundësinë të njohë persona të rinj.
Për më tepër, studime të ndryshme kanë arritur në përfundimin se miqësia mes një mashkulli dhe një femre nuk ekziston. Imagjinoje sa mund të ekzistojë me ish-in tënd!
Shkenca dëshmon se duket e pamundur që një mashkull dhe një femër të jenë “Vetëm miq”.
Për më tepër, nëse qëndron në kontakt me ish-in:
- Nuk do të arrini të mendoni pikësëpari për veten. Nëse nuk largohesh prej ish-it sepse nuk do ta lëndosh atëherë do të lëndosh veten tënde. Të jesh njeri i mirë është tjetër gjë dhe ta ekzagjerosh është komplet tjetër gjë.
- Nëse keni një lidhje të re do të lëndoni si partnerin aktual ashtu edhe ish-in.
- Dhimbja post-ndarje do të zgjasë më shumë në kohë nëse mban kontakte me ish-partnerin. Nëse një marrëdhënie të lëndon duhet të tregohesh e aftë dhe t’i japësh fund me shumë zgjuarsi dhe me sa më pak vuajtje.
Burimi: Vabbe
