Ermal Mamaqi nis mbrëmjen e sotme, sezonin e dytë të emisionit “Xing me Ermalin” në televizionin “Klan”. Por ndryshe nga sezoni i kaluar, këtë vit ka ndryshuar fasha e orarit të emisionit, pasi është zhvendosur në orën 21.40. Lajmin e ka bërë të ditur vetë Ermal Mamaqi, i cili zbulon se do të ketë të ftuar këngëtaren Afërdita Dreshaj, si dhe gocat e serialit “Hostel by Anabel”.
Edhe moderatorja Luana Vjollca ka ngritur flamurin e paqes dhe uroi kolegun e saj për këtë sezon të ri televiziv.
“Suksese” – shkruan Luana.
“Rrofsh motër, vonohu sa më shumë që të kesh mundësi” – i përgjigjet Ermal Mamaqi.
“Mos e tepro tani. Boll që të lash të filloje i pari!” – ia kthen moderatorja, duke konfirmuar se edhe këtë sezon do të jetë në ekranin e “Top Channel” çdo të shtunë me “Shiko Kush Luan”.
Duket se dy moderatorët e kanë nisur paqtë betejën e së shtunës, për audiencën!
Burimi: Anabel.al
