Nëpërmjet një njoftimi në rrjete sociale, Ministrja Evis Kushi ka bërë të ditur se është vendosur që do të mbyllen institucionet e arsimit parauniversitar.
Kështu, shkollat janë të detyruara të zhvillojnë mësimin online nga data 15 deri në 19 shkurt dhe në varësi të situatës në vazhdim, ky vendim mund të ndryshojë.
Ky vendim është bazuar tek parashikimi për rënie të theksuar të temperaturave dhe reshjeve të dëborës në vendin tonë, që priten në ditët në vijim.
Statusi i plotë:
Sipas parashikimeve të IGJEUM, në vendin tonë pritet një rënie shumë e theksuar e temperaturave dhe reshje të dendura dëbore në pjesën më të madhe të territorit.
Për këtë arsye, Ministria e Arsimit, Sportit dhe Rinisë vendosi të kalojë të gjitha institucionet tona të arsimit parauniversitar në skenarin e tretë të mësimit online për javën e ardhshme, nga data 15 deri në 19 shkurt 2021.
Në bashkëpunim me Drejtorinë e Përgjithshme të Arsimit Parauniversitar, si dhe të gjitha zyrat arsimore dhe drejtoritë rajonale në vend, po punojmë intensivisht për të marrë të gjitha masat e nevojshme që të garantojmë mbarëvajtjen e këtij procesi.
Nëpërmjet një njoftimi në rrjete sociale, Ministrja Evis Kushi ka bërë të ditur se është vendosur që do të mbyllen institucionet e arsimit parauniversitar.
