Ministrja e Arsimit Evis Kushi ka dhënë ditën e sotme një intervistë lidhur me kaosin e krijuar me vendimin e vonuar për Universitetet, që në fakt sipas saj nuk është i tillë. Sipas ministres, Universitetet e kanë transferuar mësimin online vetëm për një muaj, ndërsa vendimin e Komitetit Teknik të Ekspertëve nuk e quan të vonuar, duke u justifikuar me faktin se situata është dinamike:
Autoriteti që ka përgjëgjëisnë për të përcktuar stretëgjinë e gjurmimit dhe udhëzuar qeverinë në hapat që duhet të marrë është komiteti i ekspertëve, jemi në komunikim të vazhdueshëm me ta dhe kërkojmë mirëkuptim që kjo vendimmarrje është shumë dinamike, situata është dinamikë. Për këtë arsye u mor vendimi që u konsiderua i vonë nga studentët. Janë analizuar shifrat dhe eksperiencat e vendeve të tjera. Vendimi u mor vetëm për një muaj, universitetet nuk u mbullën por për një muaj mësimi do jetë online për të mos përhapur infeksionin për arsye të detajuara nga Komiteti i Ekspertëve. Lidhur me pagesat e konvikteve, ato do të përfshihen për muajin e ardhshëm.
Duke qenë se ministrja nuk i ka bërë mirë llogaritë duhet t’i rikujtojmë disa gjëra.
Çfarë pasojash solli vendimi?
Një pjesë e mirë e studentëve në Universitetin e Tiranës jetojnë në qytete të ndryshme të Shqipërisë e po ashtu, edhe në Universitetet që ndodhen në rrethe të tjera ka studentë që nuk jetojnë brenda rrethit a qytetit. Kështu, pjesa më e madhe e tyre tashmë ka marrë shtëpitë me qira për të cilat kanë paguar edhe muajin tetor, në disa raste edhe atë nëntor.
E gjithë ky shpenzim tashmë hidhet poshtë. Duken i shtuar kësaj edhe faktin se qiratë në kryeqytet kapin shifrat marramendëse, duke u renditur si qyteti me çmimet më të larta në rajon sa i përket qiradhënies.
Sikur mos të mjaftonte ky fakt, Komiteti propozon që vetëm një muaj të jetë online, ndërsa vendimi për vijimin e tij të merret në varësi të situatës që do paraqitet në nëntor. Kjo i ka lënë studentët në udhëkryq, nëse duhet të qëndrojnë në Tiranë, nëse do u kthehen auditorëve në muajin dhjetor ao të kthehen në shtëpitë e tyre. në të dyja rastet ka sërish shpenzime ekstra dhe të panevojshme.
Nëse qëndrojnë në Tiranë dhe mësimi bëhet online, sërish shpenzimet e tyre do jenë të kota dhe për muajin dhjetor. Ndërsa nëse kthehen në shtëpitë e tyre dhe mësimi në muajin dhjetor do zhvillohet në auditorë do kenë vështirësi në gjetjen e shtëpive dhe risistemimin e tyre në kryeqytet.
Përse ky vendim ishte i vonuar?
Qeveria mund të kishte qenë më e shpejt duke mos i lënë studentë të në mes të udhëkryqit nëse vendimin do e kishte marrë që në shtator. Sikundër e përmendëm edhe më lartë, mjaftoi vetëm java e parë e mësimit në gjimnaze e 9-vjeçare për të kuptuar se fakti se në këto institucione nuk forohet kushtet e duhura, nuk mund të zhvillohet mësim në kushte pandemie.
Duke qenë se semestri i dytë i vitit akademik 2019-2020 u zhvillua online, atëherë Universitetet janë më të përgatitura dhe teksa qeveria humbi kohë kot mund të kishte punuar në përmirësimin e tij.
Universiteti i Tiranës ka marrë vendim që do të jetë një platformë e unifikuar për gjithë universitetin, janë bërë trajnime për gjithë pedagogët që do të përdorin këtë platformë, janë hapur adresa e-mail-i me domeinin universiteti i tiranës.edu.al për të gjithë studentët e të gjitha grupeve, në të gjitha nivelet dhe ne jemi gati për ta zhvilluar këtë mësim online. Praktikisht, janë pothuajse gati.
Duke qenë se studentët kanë bërtitur me të madhe vështirësitë që hasën nga marsi në korrik, Ministria e Arsimit në këto muaj duhet të kishte punuar e të ishte angazhuar në zgjidhjen e tyre, pasi situata ishte më se e qartë.
“iconstyle.al” prej muajsh ka trumpetuar faktin se situata e rënduar do i kthente sërish studentët dhe nxënësit tek Google Classroom dhe Google Meet, por qeveria si duket nuk e paska menduar këtë skenar, pasi si gjithmonë është e vonuar.
Situata nën kontroll?
Kushi nuk dha një shifër se sa mësues dhe nxënës janë të infektuar por tha se janë 1000 mësues në dispozicion, ndërsa mësuesit e tjerë po paguhen për të gjitha orët shtesë, gjë për të cilën opozita ka akuzuar se nuk ka ndodhur kështu.
‘Nga 1760 shkolla, 1100 shkolla e zhvillojnë vetëm me një turn. Turnet 2-3 apo katër kemi për ata nxënës që vijnë nga shkollat e dëmtuara nga tërmeti, që detyrohen të shkojnë në shkollat pritëse dhe ne u subvencionojmë pagesën e transportit. Të gjithë mësuesit që zhvillojnë mësim me disa turne, po paguhen të gjithë mësuesit’.
Denoncime të shumta kanë mbërritur në redaksinë tonë, ku na raportohet se edhe në shkollat më në zë të Tiranës ka mungesë të theksuar të kushteve dhe masave mbrojtëse të pandemisë, siç janë mungesa e dezinfektantëve për duart që supozohet të bëhet çdo mëngjes në hyrje të shkollës.
Rujtja e distancës dhe mbajtja e higjienës, janë dy kushtet bazë për të mos u rrezikuar nga infektimi me Covid-19. Disa drejtues shkollash në shtetet fiqnje si për shembull në Itali, kanë ngritur shqetësimin se në shumë institucione distanca nuk mund të ruhet, sepse nuk ka klasa mjaftueshëm dhe nuk janë siguruar banka një vëndëshe për nxënësit. Për këtë arsye ata kanë kërkuar shtyrjen e hapjes së shkollave deri sa gjithçka të jetë në rregull, ndërsa në vendin tonë duket se kjo gjë nuk i shqetëson aspak drejtuesit.
Zhvillimi ynë nuk mundet kurrsesi të krahasohet me atë të shteteve fqinje, ndaj nuk mund të mendojmë se ne i kemi marrë të gjitha masat për ruajtjen e distancës. Të gjithë e dimë se shkollat në vendin tonë kanë kaluar përtej kapaciteteve dhe për këtë arsye qeveria u detyrua të vendosë që orari mësimor të zhvillohet me 4 turne gjatë kësaj kohe. Për nxënësit që duhet të studiojnë gjatë turnit të fundit me siguri mësimdhënia nuk do të rezultojë aspak efektive, sepse kjo gjë është e vërtetuar edhe shkencërisht se rendimenti bie me kalimin e orëve.
Sakaq, shumica e shkollave në Shqipëri prej kohësh nuk sigurojnë as kushtet më minimale të higjienës, si mungesa e ujit të rrjedhshëm, sapunëve e detergjentëve të tjerë. Autoritetet nuk kanë dhënë asnjë detaj në lidhje me këtë gjë, duke u shprehur vetëm se shkollat që nuk sigurojnë kushtet nuk do të hapen. Sa do të ndodhë kjo gjë pritet ta shohim.
