Mbrëmjen e sotme një tërmet tjetër i fuqishëm goditi vendin tonë!
Tërmeti ra rreth orës 21:15 dhe ishte me magnitudë 4.9 ballë me epiqendër rreth 3 kilometra nga fshati Bubq.
Lëkundjet e forta u ndjenë në disa qytete deri në Korçë, Fier e Shkodër.
Për fat të mirë, Ministria e Mbrojtjes ka raportuar se nuk ka të lënduar apo dëme materiale.
“Nga komunikimi me bashkitë Durrës, Dibër, Gjirokastër, Fier, Vlorë, Shkodër dhe Lezhë nuk raportohen dëme në njerez apo materiale deri tani. Nuk raportohen dëme në Korçë e Pogradec, ku janë ndjerë lekundje të lehta”, thuhet në njoftimin e ministrisë.
