Ministri i Shtetit për Çështjet Vendore, Eduart Shalsi, kohë më parë ka qenë në qendër të vëmendjes mediatike pasi u përfol se ka bërë një ndryshim të madh në pamjen e tij të jashtme. U përfol se Shalsi kishte mbjellë flokët dhe se vlera e tyre shkonte 60 mijë euro.
Kjo çështje është rikthyer sërish në vëmendje mbrëmjen e djeshme, teksa ai ishte i ftuar në emisionin sportiv “Top Arena” në “Top Channel”. Moderatorja e këtij emisioni, Fjoralba Ponari e vuri Shalsin përballë një pyetësori të sikletshëm, duke e pyetur edhe nëse ishin të vërteta thashethemet se ai i kishte mbjellë flokët.
Në të vërtetë Shalsi e sfidoi moderatoren simpatike duke i thënë se ajo mund të provonte t’i tërhiqet dhe se nuk do ta kishte problem po ta bënte këtë ndërhyrje. Madje ai tha se ndryshonte herë pas here “look”, por jo se i kishte mbjellë flokët.
Mirëpo fraza që tha në fund të përgjigjes na futi përsëri në dyshime. Ai theksoi se është mirë që njeriu ta ndryshojë herë pas here pamjen. Mos vallë Shalsi e konfirmoi në mënyrë indirekte ndryshimin për të cilin është përfolur në media?
