Kryeministri i Izraelit, Benjamin Netanyahu, do të izolohet për herë të dytë për të shmangur rrezikun e Covid-19.
Ai po vetë-izolohet për 7 ditë pasi Ministri i Shëndetësisë, Yaakov Litzman, ka rezultuar pozitiv me koronavirus.
Kjo është hera e dytë që Kryeministri futet në karantinë.
70-vjeçari u izolua për një periudhë të shkurtër në fund të muajit të kaluar, pasi një nga punojësit e tij rezultoi pozitiv.
Kësaj here, përveç Ministrit të Shëndetësisë, edhe analizat e bashkëshortes së tij kanë rezultuar pozitive.
Çifti do të qëndrojë në shtëpi, ndërsa për shkak të kontaktit me ministrin do të izolohen edhe anëtarët e tjerë të Ministrisë së Shëndetësisë.
Deri tani, Izraeli numëron 33 jetë të humbura dhe 6,360 persona të infektuar me Covid-19.
