Për të dytin vit radhazi Kylie Jenner është shpallur miliarderja më e re dhe gjithë këtë pasuri ajo e ka fituar falë kompanisë së bukurisë “Kylie Cosmetics”.
Ajo fitoi gati 600 milion dollarë vitin e kaluar vetëm nga “Kylie Cosmetics”, por pasuria e saj nuk ndalet këtu.
Kylie fiton shuma të mëdha nëpërmjet rrjeteve sociale. Sipas një studimi i kryer së fundmi nga “MyProtein” u nxorr konkluzioni se ajo fiton 983.400 dollarë për çdo post të sponsorizuar. Pra, gati 1 milion dollarë për një postim në Instagram.
Nga familja Kardasian, Kylie është më e vlerësuara në rrjete sociale dhe ka më shumë ndikim për momentin. Ajo ndiqet shumë afër nga motra e saj Kim Kardashian, e cila kjo e fundit fiton konkretisht 954,000 dollarë për një postim të sponsorizuar.
Më herët kompania e analitikës në Instagram “Hopper HQ” vlerësoi se Jenner nuk ishte vetëm personi me më shumë ndikim në Instagram nga familja Kardashian-Jenner, por në të gjithë Hollywood-in.
Vitin e kaluar, “Hopper HQ” e shpalli atë mbretëreshën e sponsorizimeve në Instagram, duke mposhtur Selena Gomez e cila u rendit në vendin e dytë me 800.000 dollarë për një postim të sponsorizuar në këtë rrjet social kaq të fuqishëm.
