Themeluesi i “Amazon”, Jeff Bezos po planifikon të japë pjesën më të madhe të pasurisë së tij prej 124 miliardë dollarësh. Në një intervistë me Lauren Sánchez, themeluesi i Amazon tha për “CNN” se ai planifikoi të dhuronte pjesën më të madhe të pasurisë për të luftuar ndryshimet klimatike dhe për të mbështetur njerëzit që mund të bashkojnë njerëzimin përballë problemeve të thella si ndarjet sociale dhe politike.
Kjo është hera e parë që miliarderi Bezos ka deklaruar se do të dhurojë shumicën e pasurisë së tij.
Exclusive: Jeff Bezos tells CNN that he’ll give away the majority of his $124 billion net worth during his lifetime, the first time he’s made such a promise. https://t.co/br4nQKVR3n pic.twitter.com/puR4MFOAAo
— CNN International (@cnni) November 14, 2022
Në të kaluarën, disa e kanë kritikuar themeluesin e “Amazon” për mos nënshkrimin e “Giving Pledge”, një premtim i disa prej njerëzve më të pasur në botë për të dhuruar pjesën më të madhe të pasurisë së tyre për bamirësi. Ish-gruaja e Bezos, MacKenzie Scott, nënshkroi “Giving Pledge” në vitin 2019 dhe që atëherë është bërë një nga filantropistet kryesore në SHBA. Që nga marsi i këtij viti, Scott kishte dhënë një total prej 12.5 miliardë dollarësh.
I pyetur nëse ai synon të dhurojë pjesën më të madhe të pasurisë së tij brenda jetës së tij, Bezos tha: “Po, po”. Megjithatë, personi i katërt më i pasur në botë nuk pranoi që të thoshte saktësisht se sa do të jepte ose ku planifikon t’i jepte këto para.
