Kemi një vit që flasim për martesën e mundshme mes Milye Cyrus dhe Liam Hemsworth, por përfundimisht nuk ka dasmë.
Këngëtarja vendosi të tregojë të vërtetën për dasmën e tyre, pasi u shpreh se ka një mal me gjëra të tjera për të bërë derisa të mbërrijnë tek martesa.
“Unë s’e përfytyroj dot martesën tani. Jam 24 vjeçe. Dua të jetoj dhe pak më shumë. Kam kaq shumë gjëra për të bërë para se të martohem”, u shpreh Cyrus.
Por kjo s’do të thotë se lidhja mes dyshes nuk shkon për mrekulli.
“Tre vjet më parë, nëse do të më pyesnit mua nëse do të isha këtu, kaq e lumtur më këtë djalë, do të isha e habitur. Janë disa lidhje në të cilat t’i humb veten duke qenë me dikë tjetër. Ndërsa mua, ai më ka bërë ta gjejë atë. Nuk e di se ç’më pret në 3 vitet e ardhshme, por nëse ka mundësi të jem edhe më e lumtur, do ta pranoja me kënaqësi”, vazhdon këngëtarja
Para pak vitesh, çifti u nda për pak kohë, për t’u rikthyer njëherë e mirë në krahët e njëri-tjetrit. Dhe për këtë, Miley mendon se ka qenë gjëja më e mirë, pasi për të qenë në një lidhje të shëndoshë fillimisht duhet të njohësh veten.
Burimi: Cosmopolitan
