Dy ndarjet e njëpasnjëshme të Miley Cyrus me Liam Hemsworth dhe Kaitlynn Carter sapo u bënë zyrtare.
Këngëtarja e njohur ka fshirë nga Instagrami, ish-bashkëshortin dhe ish-të dashurën, me të cilën kaloi një verë mjaft pasionante në brigjet e Europës.
Vetë Liam e kishte fshirë më herët Miley-n nga Instagrami, ndërsa Kaitlynn ende e ndjek atë.
Ndoshta sepse ashtu siç u shpreh ajo më herët, Kaitlynn është ende e dashuruar me Miley-n.
“S’e mendoja kurrë që do të isha aq e dhënë pas saj, siç nuk isha me askënd tjetër. Para atij udhëtimi s’e kisha menduar kurrë atë në mënyrë romantike. Ndonëse nëpër media lidhja jonë u quajt “flirt vere”, për mua ishte shumë më shumë se aq”, u shpreh ajo dje.
Ndërkohë ndarja me Liam thuhet se ka qenë gjithashtu në terma shoqërorë pasi aktori u shpreh se i uron vetëm lumturi Miley-t:
“Përshëndetje të gjithëve! Thjesht një shënim i vogël për të thënë se unë dhe Miley jemi ndarë së fundi dhe nuk i uroj gjë tjetër asaj veç shëndetit dhe lumturisë.
Kjo është një çështje private dhe unë nuk kamë bërë dhe as do të bëj ndonjë koment për gazetarët ose mediat. Çdo citim që më atribuohet mua është fals. Paqe dhe dashuri!”
Miley aktualisht po shijon një romancë me shokun e saj të ngushtë Cosy Simpson!
