Mbrëmjen e kaluar, këngëtarja me famë botërore, Miley Cyrus, shkëlqeu në skenën e festivalit “Sunny Hill” i cili u mbajt në Kosovë.
Miley ishte e ftuara speciale e Dua Lipës dhe elektrizoi skenën me performancën e saj, duke e bërë publikun të këndojë bashkë me të.
Mesa duket, Dua dhe Miley janë bërë mikesha të mira, pasi kjo e fundit i ka shprehur Duas vlerësimin dhe dashurinë e saj para 96 milionë ndjekësve në Instagram.
“Dy mbretëresha janë gjithmonë më mirë sesa një! E dua këtë vajzë! Krenare për ty Dua Lipa! Mezi po pres të vazhdoj të të njoh ty dhe familjen tënde çapkëne! Të dua!”- shkruan Miley krahas fotos me Dua Lipën.
Për të gjithë ata që e humbën, ndiqni në videon e mëposhme një pjesë të performancës së Miley-t gjatë mbrëmjes së kaluar në Prishtinë.
