Miley Cyrus e di tashmë që Instagrami sjell gëzim por edhe probleme.
Dhe në fakt, këngëtarja po përballet me probleme për publikimin e një fotoje, në vitin 2021, e cila nuk respekton rregullat e të drejtave të autorit të platformës sociale.
Rrjeti shpërtheu pas një postimi të këngëtares që përmbante një foto të bërë nga një paparaci jashtë një eventi publik. Miley Cyrus e publikoi pa iu referuar autorit të shkrepjes dhe kjo, sipas prokurorisë, do t’i shkaktonte dëm ekonomik fotografit, i cili për këtë arsye vendosi ta padiste.
Nuk dihet ende se si do të shkojë historia, por nuk është hera e parë që Instagrami bëhet burim problemesh për të famshmit. Për shembull, Kanye Ëest: llogaria e tij u pezullua në mars 2022 për shkelje të rregullave të platformës për gjuhën e urrejtjes dhe bullizmin. Periudha ishte ajo e postimeve të vazhdueshme, me kërcënime të lidhura me vdekje, drejtuar Pete Davidson. Duke qenë se reperi, pavarësisht kërkesave të Kim Kardashian, nuk pushoi së drejtuari me ton agresiv të komedianit të SNL-së, Instagram-i duhej të mendonte për këtë.
Rihanna ka pasur gjithashtu probleme të shumta me platformën, llogaria e së cilës është pezulluar disa herë për shkak të publikimit të disa fotove nudo. Natyrisht, bëhej fjalë për sesione fotografike, duke përfshirë një për kopertinën për Officiel Hommes, por për Instagram nuk ka asnjë ndryshim.
Rasti më i habitshëm, megjithatë, është ai që përfshin Rob Kardashian dhe Black China. E dimë mirë që historia mes të dyve përfundoi keq, por mes poshtërsive dhe inateve të ndryshme të të cilave u bënë protagonistë, janë edhe fotot nudo të publikuara nga Rob. Pasi e akuzoi për tradhti, Kardashian e ka parë të arsyeshme të postojë foto private të ish-it të saj, gjë që rezultoi në ndalimin e Instagramit për dy vjet dhe një padi prej 100 milionë dollarësh.
Me pak fjalë, nëse ka një mësim që këta të famshëm kanë nxjerrë, është të mendojnë mirë përpara se të publikojnë një postim.
