Këngëtarja dhe aktorja e “Hannah Montana”, Miley Cyrus, ka kaluar një kohë të vështirë për të njohur veten e saj dhe preferencat seksuale.
Teksa promovonte këngën e saj të re “Used to be young”, ajo publikoi një foto të vjetër nga premiera e filmit “Hannah Montana” në vitin 2009, ku shfaqej krah Emily Osment, Taylor Swift dhe Demi Lovato-s.
“Nëse ju djema nuk e dinit që unë isha biseksuale nga kjo foto e mallkuar, nuk e di se çfarë nuk shkon me ju”, u shpreh Miley.
Gjatë gjithë jetës sime, nuk e kuptova gjininë dhe seksualitetin tim. Gjithmonë e kam urryer fjalën biseksual, sepse kjo po më fut në një kuti. Nuk mendoj që dikush të jetë djalë apo dikush të jetë vajzë”- tha Miley për “Variety”.
Më pas, ajo takoi një person që nuk e shihte veten as si burrë dhe as si grua dhe aty nisi të zbulojë veten e saj.
“U lidha me atë person më shumë sesa me të gjithë të tjerët në jetën time. E kuptova më shumë seksualitetin tim. Thashë: Oh, kjo është arsyeja pse nuk ndihem e heteroseksuale dhe nuk ndihem homoseksuale. Kjo është për shkak se unë nuk jam!”- tha ajo.
