Pas ndarjes nga Cody Simpson, Miley Cyrus është përfolur shpesh për lidhje të reja. Së fundmi ajo është parë në shoqërinë e Yungblud në Los Angeles dhe të dy u shfaqën shumë të afërt. Kështu pas këtij momenti nisën thashethemet se dyshja janë në një marrëdhënie dashurie, por e vërteta është krejtësisht ndryshe.
“Miley dhe Yungblud nuk janë në një lidhje. Ata janë thjesht miq dhe kanë shijuar një mbrëmje me miqtë e tyre”, ka thënë një burim për “ET Online”.
Vitet e fundit kanë qenë shumë të trazuar për sa i përket aspektit të dashurisë për këngëtaren e famshme. Në vitin 2018-të ajo vendosi të martohej me Liam Hemsworth pas një lidhjeje 11-vjeçare, por martesa e tyre zgjati shumë pak dhe ata u divorcuan. Pas ndarjes nga Liam ajo u lidh me personazhin e famshëm të televizionit, Kaitlynn Carter. Por dhe marrëdhënia me të nuk zgjati shumë. Më pas ajo nisi një romancë me mikun e saj të fëmijërisë, Cody Simpson, por dhe me atë u nda në gusht të 2020-s.
Para disa javësh, Miley Cyrus u shpreh në një intervistë se dëshiron të krijojë një lidhje të re, por po kërkon një njeri të mërzitshëm.
“Kam nevojë për një njeri të qetë. Dua dikë të mërzitshëm, por të sigurt”, është shprehur Miley.
Nga ana tjetër Yungblud më herët ka qenë në një marrëdhënie me Halsey, që aktualisht është në pritje të fëmijës së parë me Alev Aydin.
