Ajo u ribashkua me ish-të fejuarin e saj Liam Hemsworth në fillim të këtij viti, ndërsa u raportua se nisën përgatitjet për dasmën. Dhe Miley Cyrus duket se bën një jetë të qetë të rehatshme me aktorin 26-vjeçar, ndërsa shfaqet në numrin e tetorit për revistën “Elle”. Këngëtarja 23-vjeçare shfaqet e veshur me veshje të bardhë me dantellë, ndërsa tregon unazën e saj të fejesës, duke na lënë të kuptojmë se mos po përgatitet për një dasmë të bardhë.
Ajo tregon se i fejuari i saj është i fiksuar pas lojës “Pokemon Go”, ndërsa ajo nuk di të përdorë shumë mirë aplikacionet, si “Snapchat”: “Ndihem si një grua e vjetër”.
Ndonëse duket disi e pabesueshme, Miley Cyrus tha gjatë intervistës se ajo nuk do të dalë më kurrë në një tapet të kuq. Arsyeja? Brejtja e ndërgjegjes!
“Vitin e kaluar mu desh të bëja premierën e “A Very Murray Christmas” dhe nuk kam për të dalë më kurrë në një tapet të kuq. Pse kur njerëzit po vdesin nga uria unë jam në një tapet që është i kuq? Sepse jam “e rëndësishme”? Sepse jam “e famshme”? Unë nuk funksionoj kështu. Është si një parodi”, tha artistja kontraversiale.
Ajo madje shton se në disa raste, ndjenja e fajit ka qenë aq e madhe sa nuk arrinte as të flinte.
“Mbulohesha me puçrra sepse isha shumë e stresuar. Edhe sot, më ra shishja e ujit teksa bëja ngjitje në mal dhe u ndjeva si një tr*ape e vërtetë. Ka fëmijë që shiten si skllave seksi, si mundem un të shkoj për ngjitje në mal. Prandaj tani përpiqem të bëj sa më shumë nëpërmjet “Happy Hippie”, tha 23-vjeçarja lidhur me fondacionin, që ka krijuar për t’i ardhur në ndihmë të rinjve të pastrehë. Revista pritet të dalë në treg më 20 shtator.
*Shfleto galerinë
Burimi: Daily Mail
