Këngëtarja e famshme Miley Cyrus ka vite në skenë e në tregun muzikor dhe sigurisht përveç fansave të zjarrtë, ka edhe nga ata persona që kritikojnë punën e saj.
Në “Live Transmission Christmas”, këngëtarja u ndal të fliste pikërisht për këta të fundit, mes të cilëve bënte pjesë edhe këngëtarja Cher.
Në vitin 2013, Cher kritikoi performancën e Miley-t në MTV Video Music Awards. Ajo u shpreh: “Miley nuk di të kërcejë, trupi i dukej keq, kënga nuk ishte e mirë”.
Madje, iu drejtua me fjalët “vajzë, mos e nxirr gjuhën kur e ke me një shtresë të bardhë”.
Mirëpo, këto kritika deri diku ofenduese, duket se nuk i kanë ndikuar për keq Miley-t.
Këngëtarja ka treguar se kishte ndjerë se ia doli në jetë, kur mori kritikat e Cher.
“Asaj nuk i pëlqeu fakti që po nxirrja gjuhën gjatë gjithë kohës e këto gjërat e tjera. Dhe unë mendova që përderisa mërzita Cher, me të vërtetë ia dola. Kur këto legjenda dhe ikona, artistë me të cilët jemi rritur, na urrejnë, mbetet sërish kompliment.”- ka rrëfyer Cyrus.
