Pas ndarjes së saj nga jeta, miq dhe kolegë të Adelajdës nuk i kanë kursyer disa informacione mbi jetën e gazetares, dhe vështirësive që ajo përballej në punë.
Përveç mesazheve të ngushëllimit, dedikimeve prekëse nga njerëz të afërm dhe jo vetëm, disa miq të ngushtë të saj kanë treguar më shumë, për problemet e shumta me të cilat ajo është përballur.
Një prej tyre është dhe Adi Pojana, ish- banori i Big Brother dhe mik i ngushtë i 31-vjeçares, i cili tregon një nga vështirësitë që ka pasur Adela në punë:
“Ka pasur nga ato gazetare “të pista” që janë përpjekur që të hedhin poshtë punën e Adelajdës. Ajo madje ka shkuar dhe është ankuar tek pronarët e mediave për këtë. Adelajda ishte një gocë shumë e mirë, shumë e urtë”, u shpreh ai në Top Magazine.
