E dini që Michele Obama është fanse e këngëtares Beyonce? Po që ajo i këndon këngët e saj?
Në një klip të realizuar për shfaqjen e saj të radhës në “The Late Late Show” me James Corden, që do të transmetohet mbrëmjen e së mërkurës, Michelle Obama këndon dhe kërcen me këngën e Beyonce “Single Ladies”.
Zonja e Parë është mysafire e Corden në pjesën “Carpool Karaoke”, që nis me momentin kur Corden merr Michele në Shtëpinë e Bardhë.
“A e keni problem nëse dëgjojmë pak muzikë në makinë. Mua më ndodh rrallë të dëgjoj muzikë në makinë”, ka thënë Michele në klip duke shtuar se herën e fundit kur ka dëgjuar muzikë ishte disa muaj më parë kur vajza e saj Malia, po mësonte makinën.
“Ai ishte i vetmi moment në këto 7 vite e gjysmë kur unë jam ulur në sediljen e pasagjerit duke dëgjuar muzikë, pak a shumë si sot”, ka thënë Zonja e Parë.
