Moderatoren Jona Spahiu po e shihim gjithmonë e më pak në ekran, por gjithmonë e më tepër në rrjete sociale si blogere.
Ajo ndan vazhdimisht fragmente të përditshmërisë së saj, udhëtimet, veshjet, gëzimet e “hallet” në familje, duke u bërë akoma më e afërt dhe e dashur për publikun shqiptar.
Madje, herë pas here ajo bisedon me ndjekësit nëpërmjet “Ask me a question” në Story, ndërsa së fundmi dikush i ka rikujtuar fillimet në ekran.
Ndjekësi i shkruan se Jona ka qenë e preferuara e tij/saj, që nga koha e “Top Select” në “Top Channel”. Sa prej jush e mbani mend?
Ja një foto nga ajo periudhë, të cilën Jona vetë e ka publikuar, madje tregon edhe “prapaskenat”. Asokohe, mezi priste të shihte Luanën dhe Marinën tek grimi, që ishin të famshme edhe në ato vite.
“As un s’e mbaja mend këtë. 20 vjeç, ashensori i Piramidës, xhironim 3 emisione në ditë. Mezi prisja të shihja Marinën dhe Luanën te grimi”- ka shkruar Jona.
