Reperi i njohur, Unikkatil ka gati një surprizë për të gjithë fansat e tij. Ai ka bërë me dije se do të performojë në datën 1 gusht për të gjithë ndjekësit e tij në Klan Arena, Prishtinë.
Jo vetëm kaq por reperi informon se brenda javës që vjen, do të zbulojë detaje të reja lidhur me muzikën.
A pritet ndonjë këngë e re nga Unikkatil? Mbetet për t’u parë.
Postimi i plotë i reperit të njohur:
Menxi pres me performú me ☝🏻(1) Gusht në Klan Arena, Prishtinë, si mysafir special e me i ndjekë 8 lufta në sportin MMA. Eveniment madhështor me sportista Shqiptar ! Plus lajmëroj diçka tjetër në lidhje me muzikë brenda jave 😉! Për bileta kontaktoni organizatorin @kfs_mma apo Klan arenen 🇦🇱🇽🇰@donphenomofficialpage @luckytee_
View this post on Instagram
Më herët, Unikkatil ka bërë një sugjerim për dialektet e gjuhës shqipe. Ai shprehet se do të ishte më mirë që dy dialektet të lejonin njëri-tjetrin. Gegnishtja të ishte “gjuhë zyrtare” në veri dhe toskërishtja në jug.
“Dallimet mes Shqipes Gheg (Arbënishtes/Arbanishtes) e Shqipes Tosk (Arbërishtes) jòn substanciale e ôsht kriminale me e lejú njonën me u zhdukë sherri i tjetrës, sepse të dyjat jòn barabar të bukura. Ôsht kriminale edhe me i thônë nji fëmije të veriut: “ti nuk e njeh Shqipen” nëse ata thjeshtë nuk e njohin dialektin Tosk (standardin e imponúm për arsye vetjake) e padrejtësisht me krijú kompleks inferioriteti në mendjen e tyne. Fëmija verior shkollën fillore e kanë ferr sepse torturohen kur mësojnë landët në nji dialekt totalisht ndrýshe nga ai që e folin e që me vështirësí e kuptojnë. Kjo në shumicën e rasteve rezulton në analfabetízëm funksional e ky ôsht simptom tashmô i dítun i popullit tonë që duhet luftu me mish e me shpírtë. Në fakt ky ôsht thelbi i analfabetizmit funksional në popull tonë. Ka ardhë koha që Shqipja Gheg, me u kthý si gjuhë standarde në veri të trojeve tona e Toskëríshtja, le të mbetë standarde në jug. Mbetet evidente që kjo ôsht e pashmangshme e nuk kena kah me i ikë përndryshe kemi me pagú çmim të naltë me dômtim të matejshëm të fëmijëve tonë. Si zyrtare shtetnore le të mbesin të dyja. Kemi Zvicrën, Belgjikën etj. që kanë dy trí gjuhë të ndryshme zyrtare e gëzojnë sukses pa asnji ndamje. Mirëpo prap, nëse keni aq brengosje për ndamje atëherë praktikoni reciprocitet e le të studiohet e mësohet edhe nëpër shkolla në jug Gegnishtja, jo si standard po si orë e veçantë, e në veri Toskërishtja, prap jo si standard po orë e veçantë. Sidokoftë, nuk bôn në asnji mënýrë me u imponu si standard dialekti jugor në verí e ai verior në jug. Njôjt isha indinju nëse jugu ish detyrú me përdorë dialekt verior sepse nuk bôn me hupë asnjôni. Ju përshendes në nën-dialektin Gheg Verilindorë”!
