Ylli Limani nuk ndalet! Vetëm dy javë pasi lançoi këngën e tij solo “Malet”, duket se e ka gati projektin muzikor të radhës.
Këtë herë këngëtari do të vijë me një bashkëpunim, që jemi të sigurtë që e keni pritur prej kohësh.
Po, Kida dhe Ylli kanë bashkuar forcat dhe kjo është hera e parë që dyshja do të sjellin një këngë së bashku. Ky lajm u bë i ditur nga disa story të ndara nga Kida në Instagramin e saj, ku duket me këngëtarin në studio.
Ky është i vetmi detaj që vihet re në postimin e këngëtares. Vlen për t’u përmendur se dyshja duken mjaft të lumtur dhe koha në prani të njëri-tjetrit duke se u ka fluturuar.
“Me Yllin 5 minuta shkon java,”-shkruan Kida.
Ky vit mund të konsiderohet pa frikë viti i bashkëpunimeve për Yll Limani. Këngëtari gjatë verës solli dy hite, njëri në bashkëpunim me Noizy-n dhe tjetri me reperin Ledri Vula.
Ndërsa Kida ka thuajse 10 vite që është pjesë e industrisë muzikore dhe për këtë arsye, ajo ka publikuar më herët një video në rrjetin social “Instagram” ku falënderonte të gjithë fansat për mbështetjen që i kanë dhënë deri më tani gjatë karrierës së saj.