Presidenti i Shqipërisë Ilir Meta ka takuar ditën e sotme Papa Françeskun, në selinë e Atit të Shenjtë në Vatikan. Por Meta nuk ishte vetëm sepse shoqërohej nga dy vajzat e tij Bora dhe Era. Dy zonjushat e para të Shqipërisë dukeshin mjaft elegante të veshura me të zeza, ashtu siç e kërkon kodi i veshjes zyrtare të shtëpisë së Papës.
Bora kishte zgjedhur një fustan të zi me mëngë, i ndërthurur i gjithi me dantellë. Ndërsa mbi kokë, mbante të hedhur një vello të zezë prej dantelle.
Ndërsa motra e saj Era, kishte preferuar një veshje shumë më të thjeshtë. Ajo shfaqej e veshur me një fustan të zi me mëngë të shkurtra dhe në qafë mbante një kryq.
Për veshjen e dy zonjushave është kujdesur vetë stilisti Joni Peçi!
Burimi: Tirana Post
