Ai u bë i njohur në vitin 2015, kur një nga nxënësit e tij zbuloi se ai ishte model dhe ishte i fiksuar pas stërvitjes. Bëhet fjalë për Pietro Boselli-n, modelin italian që jep lëndën e matematikës në një shkollë në Londër.
Asokohe ai u quajt mësuesi më seksi në botë dhe sot është një model i famshëm për të cilin femrat çmenden.
Pietro prej 2 ditësh është në Shqipëri dhe këtë e ka bërë të ditur nëpërmjet një postimi në “Instastory”.
Ndërsa në një foto të publikuara në Instagram 29-vjeçari shihet i ulur në një divan të vjetër ku para ka një tabelë, “Toka Shitet”.
Menjëherë pas publikimit të këtyre fotove ndjekësit kanë nxituar t’i urojnë mirëseardhjen në Shqipëri, duke na treguar se modeli italian ka edhe shumë fanse shqiptare që çmenden për të.
Kujtojmë se së fundmi Pietro ka qenë pjesë e setit fotografik të Jennifer Lopez për revistën “Harper’s Bazaar”.
