Një kapitull është mbyllur për Klubin e Barcelonës. Pas 21 vitesh Lionel Messi largohet nga skuadra që e çoi në famë botërore dhe Gerard Piqué, i cili i shkroi një letër lamtumire mikut të tij të madh, është një nga më të trishtuarit për këtë; megjithatë, çfarë ndodh me Shakira dhe Antonela Roccuzzo, çiftet e këtyre dy futbollistëve?
Edhe pse Leo dhe Gerard, të cilët u takuan në moshën 13 vjeç, janë pothuajse si vëllezër, rezulton se partnerët e tyre dhe nënat e fëmijëve të tyre nuk e pëlqejnë snhumë njëra-tjerën.
Ekzistojnë disa versione të grindjes midis Roccuzzo dhe Shakira, e cila ka deklaruar se nuk i lejon fëmijët e saj të dëgjojnë këngët e saj, dhe e para prej tyre është e mëposhtme.
Antonela, 33 vjeç, ishte shoqe e ngushtë me spanjollen Nuriá Tomás, ish të dashurën e Gerard Piqué. Por romanca midis futbollistit dhe aktores përfundoi, kur atleti simpatik u takua me Shakira në Kupën e Botës 2010 në Afrikën e Jugut.
Dihet se Piqué ra në dashuri me Shakira, me të cilën kanë dy fëmijë Milanin dhe Sasha. Duke qenë se të dy ishin të famshëm të klasit botëror, ishte e lehtë për ta që të binin në kontakt dhe ndodhi pothuajse menjëherë.
Sipas burimeve pranë këtij çifti, kur Messi u martua në vitin 2017, Roccuzzo i dërgoi një ftesë Shakira -s vetëm për kortezi. Cilësohet, gjithashtu nga njerëzit e afërt, se ylli i lindur në Barranquilla nuk donte të shkonte në atë dasmë, por miqësia midis Leo dhe Gerard ishte më e fortë, kështu që Piqué ishte atje , i shoqëruar me gruan e tij të bukur.
Nga ana tjetër, ekziston një fakt tjetër, që bëri që Antonella mos ta ‘përtypi’ Shakirën. Sipas informacioneve nga portali ‘Tikitakas’, në vitin 2017 lojtarët e Barcelonës u thirrën, së bashku me gratë dhe partnerët e tyre, në një Barbecue të organizuar nga Javier Mascherano.
Në event, thuhet se Shakira u tregua e vrazhdë, pasi njëri nga kamerierët i ofroi asaj mish e këngëtarja iu përgjigj , “Hiqeni këtë nga sytë e mi”, sepse ajo po përpiqej të ishte vegjetariane në atë moment.
Kjo sjellje si pëlqeu fare Antonelës, sa nuk ka dashur që Shakira të ftohej më.
Pas largimit të Messit nga Barcelona, thashethemet u ringjallën se Antonela Roccuzzo nuk u shoqërua kurrë me Shakirën, gruan e Piqué. Gjithsesi pavarësisht faktit se kurrë nuk u bën mikesha, të dyja u përpoqën të ruanin një lloj respekti, për shkak të lidhjes se ngushtë të dy futbollistëve.
