Pjerin Ndrecaj qëlloi për vdekje me breshëri plumbash ish-bashkëshorten dhe vajzën e tij 9-vjeç, mbrëmjen e së e martës në Gjakovë. Debatet e shumta në familje kishin degjeneruar në dhunë fizike, e për këtë arsye Valbona Ndrecaj, nënë e pesë fëmijëve kishte denoncuar në Polici ish-bashkëshortin e saj. Ditë pasi kishte dalë nga paraburgimi, ai kishte paralajmëruar viktimën se ishte nisur drejt shtëpisë së saj përmes një mesazhi kërcënues : “Tani të pret një dhuratë e bukur ty dhe lalushit do t’i dhemb zemra”.
Autori i krimit ka dalë sot përpara trupit gjykues në Gjakovë dhe ka kuptuar gjatë seancës se kishte lënë të vdekur edhe vogëlushen e tij 9 vjeç. Pjetër Nrecaj është shokuar nga lajmi dhe është dërguar me ugjencë në Spitalin e Gjakovës, pasi gjendja e tij shëndetësore u përkeqësua.
“Rreth orës 11:00 përmes Policisë nga Gjykata sillet Pjetër Nrecaj i cili akuzohet për vrasje të dyfishtë. Pjetri gjatë seancës dëgjimore ka marrë lajmin se ka vdekur edhe vajza, dhe ka pësuar një atak shumë të madh dhe një ankth të paparë. E ka marrë trajtimin në repartin e Psikiatrisë. I kemi dhënë ndihmën e parë i është stabilizuar gjendja shëndetësore.” – është shprehur Zef Komoni, shef i repartit të Psikiatrisë në Spitalin e Gjakovës për “lajmi.net”.
