Disa minuta më parë Flori Mumajesi u rikthye në rrjetet sociale dhe publikoi një video me një mesazh të koduar.
“Nuk promovoj rrugën e dhimbjes, as të trishtimit. Nuk dorëzohem edhe kur të dyja ulen këmbëkryq para meje. ABC e jetës?”- shkruhet në video, teksa Flori nuk ka bërë asnjë koment.
Por, mesazhi u çkodua shpejt nga këngëtari. E gjitha kishte lidhje me një këngë të re. “Më dhemb” titullohet projekti surprizë i Florit dhe duket se është rikthyer me kuptimin e plotë të fjalës.
Kënga të thyen zemrën dhe është një baladë e dhimbshme, siç vetëm Flori di të sjellë.
https://youtu.be/2HTm-jlwEPo
Prej muajsh Flori Mumajesi nuk ishte bërë i gjallë në rrjetet sociale. Postimi i tij i fundit i përket datës 24 gusht, një ditë pas ditëlindjes, kur ka falenderuar fansat për urimet.
Më pas ai ka publikuar në Instastory një foto ku shfaqet në studio muzikore duke përgatitur një projekt të ri. Teksa nga mediat u raportua se do vinte në bashkëpunim me Klajdin dhe Brunon.
Por vera iku pa një hit prej tyre dhe pas asnjë këngë nga Flori. Mirëpo, kur të gjithë po pyesnim se nga bëhet këngëtari më në fund ai është rikthyer.
Kënga e fundit e Florit është “Thjesht të du” e publikuar një vit më parë dhe duhet ta pranojmë se na ka munguar gjithë këto kohë.
Disa javë më parë u raportua se Tayna është gati të kthejë në muzikë artistin dhe shumë shpejt do vijnë me një bashkëpunim. Kënga duket se është gati e tani kanë mbetur vetëm xhirimet e videoklipit. Këtë lajm e ka konfirmuar vetë menaxheri i Tayna-s, Rinor Hykolli për Prive.
