Ylli i “Saturday Night Live” Pete Davidson trajtoi “imazhet dhe historitë e tmerrshme nga Izraeli dhe Gaza” në komente thellësisht personale gjatë minutave të hapjes së episodit të ri të shfaqjes.
Komentet emocionale të Davidson u fokusuan veçanërisht te fëmijët që kanë vuajtur si pasojë e konfliktit.
Davidson foli për lidhjen e tij personale me përballjen me tragjedinë dhe terrorizmin pasi babai i tij, Scott Davidson, një zjarrfikës në New York, vdiq në sulmet e 11 shtatorit.
“Këtë javë, ne pamë imazhet dhe historitë e tmerrshme nga Izraeli dhe Gaza. Dhe, e di se çfarë po mendoni, kush mund ta komentojë më mirë se Pete Davidson?
Epo, në shumë mënyra, unë jam personi i duhur për të folur për këtë, sepse kur isha shtatë vjeç, babai im u vra në një sulm terrorist. Pra, unë e di se si është.
Pashë kaq shumë fotografi të tmerrshme këtë javë të fëmijëve që vuanin – fëmijë izraelitë dhe fëmijë palestinezë dhe më ktheu në një vend vërtet të tmerrshëm, të tmerrshëm. Askush në këtë botë nuk meriton të vuajë, veçanërisht fëmijët.
Pasi babai im vdiq, nëna ime u përpoq pothuajse me gjithçka që të më gëzonte. Zemra ime është me të gjithë të cilëve u është shkatërruar jeta këtë javë.”
“SNL” u kthye me Davidson si prezantues pas një shkëputjeje disamujore për shkak të grevës së shkrimtarëve.
