Machine Gun Kelly dhe Megan Fox janë rikthyer zyrtarisht me njëri-tjetrin dhe “dramën” e ndarjes së tyre po e rikuperojnë me disa ditë pushime në Hawaii.
Aktorja 36-vjeçare dhe reperi 32-vjeçar i pop-punk-it, janë fotografuar shumë të lumtur gjatë pushimeve të tyre piktoreske në Big Island të Hawaii-t.
Një burim i afërt me çiftin u shpreh se: “Ata janë rikthyer zyrtarisht pasi kaluan një problem të vështirë në marrëdhënien e tyre. Muajt e fundit kanë qenë të vështira për të dy, por ata u larguan së bashku për të shëruar raportin e tyre dhe kjo ka funksionuar. Ata ndihen më të lidhur se kurrë”.
Kujtojmë që këto pushime vijnë pas thashethemeve për ndarje dhe madje edhe pasi aktorja e “Transformers” hoqi unazën e saj të fejesës. Megan ishte parë e vetme dhe duke mos mbajtur unazën e saj të fejesës në festën Oscar të Vanity Fair muajin e kaluar.
Më 13 shkurt, Megan dhe MGK dukeshin dukshëm të mërzitur ndërsa u larguan nga një zyrë këshillimi martese në Kaliforni. Theksojmë që Megan dhe MGK u fejuan në janar 2022, ndërsa tani çiftit thuhet se po flasin edhe për martesë.
