Kim Kardashian është e gatshme të lërë të kaluarën pas saj. Ylli i “Keeping up with the Kardashians” thuhet se po gjen paqen dhe forcën për të ecur përpara në jetë. Ajo sapo përfundoi xhirimet e sezonit të fundit të TKUWTK, dhe drama për martesën e saj me Kanye West duket se po zgjidhet.
Çifti ka qenë gjatë gjithë kohës në qendër të vëmendjes këtë muaj, teksa sipas E!News ata janë duke u përpjekur të këshillohen për martesën e tyre me ekspertë, ndonëse Kim ende po konsideron divorcin. Tani për tani, ata po jetojnë jetën e tyre të ndarë, Kim në Calabasas, Calif., dhe Kanye Wyoming ndërsa përpiqen të kuptojnë se çfarë është më e mira për katër fëmijët e tyre. Dhe jo, problemet e tyre nuk kanë asnjë lidhje me Jeffree Star.
Me qetësimin e gjërave, Kim po shikon përpara dhe po përpiqet të bëjë më të mirën. Ajo dëshiron të jetë në paqe duke hyrë në këtë kapitull të ri të jetës së saj dhe është e përqendruar tek ajo dhe fëmijët e saj. Siç e dinë fansat, 40 vjeçarja ka xhiruar disa pjesë nga stërvitja e saj në palestër, teksa pranë saj kanë qenë edhe Khloe me Kourtney Kardashian. Kjo është pjesë e mendësisë së saj të re për të sfiduar vërtet veten për t’u ndjerë më së miri.
“Ajo dëshiron të ndihet e fortë mendërisht dhe fizikisht,”-shkruan E!News. “Ajo ka qenë shumë e zënë me biznesin e saj, gjë që ka qenë një bekim. Ajo me të vërtetë po përqendrohet te fëmijët dhe lumturia e tyre gjithashtu.”
Shanset që Kim dhe reperi të mund të bashkohen ekzistojnë ende, pasi mes tyre ka ende ndjenja. Thjesht martesa nuk po funksiononte.
Sigurisht, ajo gjithashtu kujdeset për fëmijët e tyre North, Saint, Chicago dhe Psalm. Thuhet se Khloe dhe Kourtney janë kthyer në krahun e saj të djathtë këto kohë, teksa kujdesen edhe për fëmijët e saj. Të gjitha motrat janë të vetëdijshme për situatën dhe janë shumë mbështetëse ndaj kim. Të gjitha e duan Kanye si një vëlla, por pajtohen se është më mirë që ata të ndahen.
