Ndërsa ndodhet në muajin e fundit të shtatzënisë Diellza Kolgeci nuk ka ndaluar aktivitetin fizik. Ajo dhe basketbollisti Fisnik Rugova do të bëhen prindër për herë të parë të një fëmije, që Diellza ka zbuluar se është vajzë.
Në fotot e publikuara në Insta Story dallohet barku i rrumbullakosur, ndërsa nga ana tjetër bukuroshja nga Kosova nuk duket se ka shtuar thuajse asnjë kilogram.
Kjo me siguri falë një stërvitjeje strikte dhe një diete ushqimore. Në këtë mënyrë ajo inkurajon të gjitha nënat që janë në pritje të fëmijës së tyre të parë që të vazhdojnë aktivitetet fizike.
Diellza do të mirëpresë vogëlushen me partnerin e saj, basketbollistin Fisnik Rugova, në 10-ditëshin e parë të muajit maj. Ajo është shprehur gjatë një interviste se, gjëja që e ka munduar më shumë gjatë shtatzënisë ka qenë pagjumësia.
Ajo dhe basketbollisti njiheshin prej shumë vitesh, duke qenë se të dy jetonin në Prishtinë, megjithatë lidhja e tyre e dashurisë nisi vetëm një vit më parë.
