Në mesnatën që lamë pas një anije me mbi 1000 persona në bord, mes tyre edhe shqiptarë, ka marrë flakë në Saroniko të Greqisë.
Anija ishte nisur nga Pireu me destinacion Kretën, ndërsa zjarri është konstatuar kur ishin përballë ishullit Ydra. Menjëherë pas kësaj anija u kthye në Pire ku u evakuuan me shpejtësi të gjithë pasagjerët dhe ekuipazhi ndërsa ajo vazhdonte të digjej.
Mësohet se në anije ishin të pranishëm 875 pasagjerë dhe 141 pjesëtarë të ekuipazhit në bord, të cilët u shpëtuan pas ndërhyrjes me shpejtësi të forcave të policisë dhe zjarrfikësve.
Mediat greke shkruajnë se orët e tmerrit mes flakëve kanë vazhduar deri në orën 4:40 të mëngjesit, por për fat të mirë nuk ka pasur të lënduar.
Zjarri mësohet se filloi në garazhin e anijes dhe më pas u përhap në pjesën tjetër. Pasagjerët me maska u nxorën nga anët dhe jo nga dalja e sigurisë.
Burimi: Balkanweb
