Një çift bashkëshortësh janë gjetur të pajetë në banesën e tyre dykatëshe në fshatin Gjegjan të Elbasanit.
Vasil Liçi 65 vjeç, dhe bashkëshortja e tij shtetasja Sabrie Liçi, 61 vjeçe, janë gjetur të pajetë nga nipi i tyre pak pas mesnatës.
Nga hetimet paraprake dyshohet se shtetasi Vasil Liçi ka hapur bombolën e gazit dhe më pas i ka vendosur flakën.
Si pasojë kanë marrë flakë disa orendi shtëpiake si dhe dyshohet nga asfiksia kanë ndërruar jetë bashkëshortët.
Nipi i tyre ka konstatuar zjarrin dhe ka shkuar menjëherë në banesë duke u futur nga dritarja por çifti kishte ndërruar jetë.
Nuk dihet nëse ka qenë një veprim i qëllimshëm nga ana e kryefamiljarit. Fqinji i tyre, i kontaktuar nga “Balkanweb” tha se nuk dyshojnë për asgjë pasi i njihnin si njerëz të mirë dhe kishin shumë respekt për ta.
